Personleg

10 ting eg liker no

Norge, altså. Det er ikkje alltid ein treng å reise langt for å føle at ein er skikkelig på ferie. Her frå utsikten over Aurlandsfjorden, tatt frå toppen over Stegastein.
  • Minihaustferien eg og 7-åringen var på ved Sognefjorden i helga. Der var det haustfargebonanza i fjellet, og det blei masse tid til brettspill, teikning, prat og hytteoppvask, og ikkje minst allsang for full hals til Sigrid i bilen på veg til og frå.
  • Å legge seg tidleg i nyoppredd seng med lufta sengetøy, og bok og blomster på nattbordet. Ei kjøleg seng no som det har blitt kaldt ute på kvelden, kjennast skikkelig lyxig.
Dei siste blomstrane frå hagen blei redda inn i ein bukett på soverommet før frosten kom.
  • Kjærasteturen vi skal på til Göteborg til helga. Gler meg både til togturen (strikketid!), hotellovernatting, god mat og tid saman.
  • Denne boka som vi skal diskutere i boksirkelen på onsdag. Eg liker den veldig, veldig godt, og gler meg til å høyre kva tankar den har vekt hos dei andre.
Månadens boksirkelbok er Omriss av Rachel Cusk.
  • At eg endeleg fekk tid til å gå til frisøren og klippe meg forrige veke. Så deilig med kortare hår igjen!
  • Å plante vårløkar i hausthagen, og sjå for seg kor fantastisk fint det blir når alt spretter opp av bakken og blomstrar i april og mai.
I haust har eg planta enda fleire kvite påskeliljer, og eg gler meg til våren, når dei sprett opp av jorda saman med rosa og aprikosfarga tulipaner og lilla krokus. Det blir fint!
  • Norske epler. Kjøpte ei heil kasse med crispy, raude Gravenstein-epler i Lærdal på veg heim frå haustferie, og må begrense meg så eg ikkje et opp alle på ein gong.
Honesty apple shop i Lærdal. Elsker det!
  • Å jobbe med eit hemmeleg prosjekt for @heifredag/@hjartesmil som er skikkelig koselig. Fortel meir om det snart!
  • Lydboka Przewalskis hest som eg nettopp er ferdig med. Den beste boka til no i Maja Lundes klimakvartett.
Viktig lydbok og gode epler i godt selskap.
  • Hespetreet eg kjøpte på loppis for eit par veker sidan. Endeleg får en nøsta opp hespene mine utan å bruke mannen min som oppheng.
Snurre, snurre, snurre. Barna er ville etter det nye hespetreet, og eg er ikkje heilt uanfekta, eg heller.

Har du ein ting du synst er ekstra fin akkurat no? Del gjerne!

«

what do you think?

Din e-postadresse vil ikke bli publisert. Obligatoriske felt er merket med *